31 Jul 2015

#ثورة_31_تموز #بغداد #ساحة_التحرير ليش بس الكهرباء , كومة بلاوي عدنا







وحدة وحدة يا علام

- المظاهرات هاي على شنو ؟


= على الكهرباء

- ليش الكهرباء هاي مشكلتها هسه صارت  ؟ شو صار 12 سنة الحكومة تمص بالفلوس (( على اساس يسووها )) و ماكو شي

احنا كشعب صار 12 سنة نعاني بس من الكهرباء ؟ كومة عدنا شغلات غلط و نعاني منها

الأمن و حياة الناس , ميمر يوم اذا ماكو انفجار على الناس بالعراق

رشاوي و ملفات فساد كومة و التغليس جارِ عليها من قبل الحكومة (( آخرتهم يسوون لجنة و المحصلة كلشي ماكو محد يتعاقب منهم ))

مليشيات منتشرة ببغداد و تتحرك بكل سهولة بدون محد يكدر يفتح حلكه

محافظات ساقطة و داعش محتلتها

نازحين و مهجرين كومة , و قسم بالصحراء كاعدين ( لا كهرباء ولا مي بارد )

القانون محد محترمه

خدمات ماكو

فلوس تنباك و تهريب فلوس للخارج و ازمة مالية العراق ابد ما مار عليه هيجي قبل

مجزرة سبايكر

الطيارة الي وكعت صاروخ ع البيوت (( و الطيار سيد من جماعتنا !! ))

وظفين ماعدهم رواتب 

يكصون فلوس من راتب الموظف الي ياخذ 600 الف , و رواتبهم بالملايين (( وين العدالة الإجتماعية ))

و غيرها و غيرها من البلاوي الي دنعيشها

هاي كلها مو كافية ؟ نطلع مظاهرة بس على مود الكهرباء

بالنهاية اني مو ضد المتظاهرين , بالعكس اني وياهم و ادعمهم 
Comments
0 Comments

No comments: